মৰিগাঁৱত চি আৰ পি এফ জোৱান প্ৰমোদ কুমাৰ সিঙৰ মহানুভৱতা
এগৰাকী আঘাতপ্ৰাপ্ত মানসিক ৰোগীক নিজ হাতেৰে পোক লগা ঘাঁ চাফা কৰি চলাইছে চিকিৎসা: মানসিক ৰোগত আক্ৰান্ত মহিলা গৰাকীক সুস্থ কৰি তুলিবলৈ মৰিগাঁও অসামৰিক চিকিৎসালয়ত চিকিৎসা প্ৰদান জোৱানৰ মৰিগাঁও,১৯ জুলাই:-- যান্ত্ৰিকতাৰ যুগতো মানৱতা আজিও হেৰাই যোৱা নাই। এগৰাকী অসহায় মানসিক ৰোগীৰ ক্ষেত্ৰত দেখুওৱা মহানুভৱতাক প্ৰমাণ কৰিলে মৰিগাঁৱত কৰ্মৰত কেন্দ্ৰীয় সংৰক্ষিত আৰক্ষী বাহিনীৰ এজন জোৱানে। মৰিগাঁৱৰ এগৰাকী মানসিক ৰোগীৰ কিছুদিনৰ পূৰ্বে দুৰ্ঘটনাগ্ৰস্ত হৈ এখন ভৰি গুৰুত্বৰ ভাৱে আঘাতপ্ৰাপ্ত হয়। মৰিগাঁও চহৰৰ মাজমজিয়াত ঘূৰি ফুৰা মহিলা গৰাকীৰ আঘাতপ্ৰাপ্ত ভৰিখনত দিন বাগৰাৰ লগে লগে ঘাঁ লাগি পোক দিয়াৰ ফলত অসহ্য যন্ত্ৰণাত ভুগি চটফটাই থকা মহিলা গৰাকীক নিৰীক্ষণ কৰি আছিল কেন্দ্ৰীয় সংৰক্ষিত আৰক্ষী বাহিনীৰ এজন জোৱানে। মৰিগাঁৱত কৰ্মৰত কেন্দ্ৰীয় সংৰক্ষিত আৰক্ষী বাহিনীৰ ১২৮নং বেটেলিয়নৰ প্ৰমোদ কুমাৰ সিং নামৰ জোৱান জনে আঘাতপ্ৰাপ্ত মানসিক ৰোগাক্ৰান্ত মহিলা গৰাকীৰ পোক লগা ঘাঁ নিজ হাতেৰে চাফা কৰি সুস্থ কৰিবলৈ দুদিন ধৰি অহৰহ চেষ্টা চলাই আহিছে। সেই লৈ সমগ্ৰ জিলা খনতে প্ৰমোদ কুমাৰ সিং নামৰ জোৱান জনে সকলোৱে দৃষ্টি আকৰ্ষণ ...